عالمك بين يديك - برامج كمبيوتر - أنظمة تشغيل - برامج حماية - برامج جوالات - كتب إلكترونية - دواوين شعر - أفلام(عربي-اجنبي - مسرحيات - أفلام كرتون )
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 صحيح الدنيا ماتستاهل

اذهب الى الأسفل 
كاتب الموضوعرسالة
Admin
Admin
avatar

المساهمات : 113
تاريخ التسجيل : 27/01/2010

مُساهمةموضوع: صحيح الدنيا ماتستاهل   الأحد يناير 31, 2010 8:08 am






صحيح الدنيا ماتستاهل
محد بالدنيا يستاهل !!
ولا شي بها لدنيا يستاهل
الدنيا ماتساوي عند الله جناح بعوضه
انت ومشاكلك واحزانك وافراحك وبلاويييييك كلها ما يساوي جناح بعوضه


الدنيا ياجماعه فاانيه
فانيه
فانيه

يعني بيوم من الأيام بتموت وبيحطونك بالقبر
وبنسأل
وش بيقول
وش بيقول ؟؟
انت يارب بليتني وانا كانت عندي بلاوي عشان كذا ماطعتك
يارب كانت عندي مشاكل وتعطلت حياتي وقعدت مثل الغبي اصيح عليها
ياجماعه الدنيا تمشي
وإذا في توقف
فهو احنا اللي واقفين
القي كل همومك ورى ظهرك وخلي شعارك
الدنيا عندالله لا تساوي جناح بعوضه
يعني حتى مو بعوضه
حقيييره ياجماعه

احتسب كل بلاء عند رب العالمين
واحمد ربك على كل نعمه انت عايشها
حنا في نعمه والله مو حاسين

الناس ..!!
الناس عاملهم بذوق وإسلوب .. وزي ما علمتك امك من يومك صغير
سو خير .. سو خيييير ولا تنتظر رد من احد
او اعتبار من احد .. اذا بتسويه سويه لنفسك .. لك إنت عشان تعيش مرتاح
وتكون سعيد بإسعاد الآخرين


ما تنام وتقول زعلني فلان وضايقني فلان
وترا الدنيا دواره كما تدين تدان .. ربي ما ينسى ظالم ولا مظلوم
!!طنش طنش طنش ..!!

فلان يحش فيك وفلان ما يحبك ..!!
خله .. احسن خفف عليك ذنوبك .. وعطاك من حسناته

تعلم التطنيش والبرود وتوقع انك تنصدم .. وكل ما انصدمت بأحد كل ما صرت اقوى
كل ما صارت تجاربك وخبرتك الاجتماعيه أحسن وأحسن ..

رمى عليك كلمه .. عادي ولا كأنك سمعت .. ان دل يدل على قلة ذوقه وتهذيبه ..
كشر بوجهك .. ابتسم !!
واذا رفع صوته.. وط صوتك .. !
واذا اتجنبك .. تجاهل وجوده ...
"وترا ما طاح من النجوم اخف للسمـا "

دموعك !!
دموعك ومشاعرك تراها اهم واغلى شي
وهي الي تتحكم بنفسيتنا وأفعالنا
خليها تنزل من خشية الله
خليها تنزل لما تشكي همومك لربك
..
حب نفسك ودلعها ..!! عشان تعيش مرتاح...
خلي قلبك لك .. لا صديق ولا قريب ولا اي احد يستاهله..
حب الناس بعقلك مو بقلبك عشان ترتاح بحياتك وتتحكم بتصرفاتك ..
!!

العافيــه !!
كافي انك تمشي وتحرك ايدينك ورجلينك
مافكرت يوم تقول الحمد لله !!
يارب اني أمشي ما انسحب من كرسي لسرير وأشوف نظرات الشفقه تحرقني
احمد ربك على كل نعمه انت فيها .. الحمدلله !!

المال ..!
تاكلي تشرب تشتري تتسوق تلعب بالفلوس بيدينك ورجلينك عايش بأمن وأمان
وتقول يارب وش هالدنيا
شوف النعم بس واستمتع فيها

فلان ضيق صدري وعلان سوى
واخي سبب لي مشكله ولا أمي ولا أبوي
أنا ما أبي الدنيا كرهت العالم ابي اموت

ليش وغيرك آلووووف يتمنى عيشتك ويتمنى والله جزء من الي انت فيه
بس فكر كويس وعدد نعم ربنا عليك كل يوم كل يوم كل يوم!


مره وانا في السوق واحد وأمه شكلهم فقراء واقفين عند محل فيه
فطيرة القرفة ، ويطالعون بالحلى الي عارضينه ويتفرجون وطولوا وهم بس يطالعون فيه ..
طلع الولد كل الي معاه والام طلعت الي معها كله على بعضه ما جا 4 ريال !!!
تخيلوا سأل الولد البياع اذا فيه شي من اللي عارضينه بأربع ريال قاله: لا يا دوب تشتري فيهم مويه
شفت في عينه نظرة انكسار وبوؤس مو طبيعيه لا هو ولا امه
شي يبكي ويعور القلب!!


احمد ربك عشان ما يسلب نعمته عنك
وبالشكر تدوم النعم
ولأن شكرتم لأزيدنكم
هذه قاعدة ربانية لابد تتحقق
طبقوها وجربوا
الشكر كيف يكون ( بالعبادة بالصلاة بالاستغفار بالاذكار والاعمال الصالحة)
بتسألوني كيف عرفت
اقرأوا سورة الكوثر وقريش والنصر ) وشوفوا ربنا كيف امرنا نشكر النعم

اكمل
صل لك ركعتين عشان ربي يرحمك ويرفع عنك الضرر

احمد ربك على العافيه والله يا أخوان اني كنت يوم من الأيام ضااايق صدري من موقف صار لي
وأنا أمشي كاره الدنيا
وكان فيه قدامي اثنبن أشوفهم يتكلمون بس اللي لاحظته إن حركة إيدينهم كثيره ومو طبيعية !!
يوم قربت اكتشفت إنهم اثنينهم صم وبكم !! ما يتكلمون !!!


شباب صغار عمرهم اقل من عشرين والدنيا قدامهم مايتكلمون محد يفهملهم
والله اني استحقرت همي ونفسي


قلت يارب انت انعمت علي انا كل يوم اتكلم مع الناس ومع أهلي وهم لأ !
أنا إذا بغيت أصرخ صرخت وهم لأ !!
أنا أسولف مع اصاحابي والناس أضحك أبكي أنكت أتعرف على كل الناس أتكلم مع أمي وأبوي
وهـم لاء !!

كل يوم لساني أحركه مليون مره وما عمري قلت الحمدلله ياربي إني أتكلم
إيش كنت أقول 000 ضايق خلقي ولا حد يكلمني

مالي خلقكم ولا حد حاسس فيني
والله ولا شي ولا احد بالدنيا يستـــاهل همي !!
إذا عندك هم صلي ركعتين واطلب ربك يفرجها عليك
لاتذل نفسك لخلقه
ترى كلهم ضعاف
ما راح يسوون لك شي
وتذكر كلامي مايعني انه نطلب من الناس بغلاظة حتى ما نذل نفسنا لهم
لا بالعكس ربنا خلقنا علشان نعين بعضنا واذا احتجنا شي من احد نستعين فيه
بعد الله على قاضاء حاجتنا ونطلب بلين ورفق ،لانه دايما الي ما يجي باللين ما يجي بالقوة

احتسب أجر البلاء عند ربك
واحمده حتى على البلاء
ان ربي يكفر لك به ذنوبك
اللي يشوف أهل البلاء يوم القيامه يتمنى ان جسده قرض بالمقاريض
حنا المرض الخفيف ما نتحمله
احمد ربك على كل بلاء
لأنه خير والله لك
وانت اللي في النهايه بتلاقيه حسنات

ولأن الدنيا ماااشيه
وبتنتهي بيوم من الأيام

وما راح تبقى كل النعم اللي اليوم انت تطولها
مرح يبقى إلا عملك

حنا ياجماعه همومنا موقفتنا عن كل شي
ماعندنا غير نندب حظنا
وعملنا
ودنيانا
ماسوينا شي
ياجماعه أنصح نفسي قبلكم لأني الله يعلم بتقصيري !
وقلة صبري ..!!
وضعفي ..!!!

نبي كل شي لنا وإذا نقصنا شي
تركنا كل اللي عندنا وقعدنا ننوح طول حياتنا على الناقص

إذا ارتفعت حرارتي ماتحملت وقعدت أصيح طول الليل
وبلال كان يضرب بالصخرة العظيمه الحاره بصحراء مكه
وهو يقول
أحــــــــــــدٌ أحــــــــــــــــد
شوفو اجره يوم القيامة

ياجماعه فكروا بس وش سويتوا ؟
وشو البلاء العظيم اللي مريت فيه واللي بيكفر لك ذنوبك ؟
هذا طبعاً إذا احتسبت الأجر وماكسبت زيادة سيئات بالقنوط
وسوء معاملتك لاهلك والناس !

إنت عندك مشكله مع زوجتك؟
بلاء في واحد من عيالك؟
مشكله مع صديق؟
جفاء شخص تحبه؟
ابتلاء في أمك وخواتك؟
عندك أب أو أخ
ظالم؟
عندك ابن أو أخ هايت ضايع حارق لك قلبك ؟
مشكله مع زميل دراسه-عمل؟
حالتك المادية سيئه؟
فيك مرض مزمن خطير؟

أقول في كلا الأحوال احمد ربك إنك ما انت في فلسطين ولا العراق
عرضك مستباح
دمك مستباح
تصبح خايف وتنام تعد عيالك قبل يفجعك الصبح الثاني
بواحد منهم

احمد ربك إذا أصابك واحد من هالإبتلاءات إن ربي رفع عنك بقيتهم
إذا أصبت بالتهاب في الحلق فاحمد الله أنك لم تصاب بسرطان في البلعوم
وإذا أصبت بمرض في القلب فاحمد الله أنك لم تصاب بمرض القلوب الأعظم ( الكفر )
وإذا أصبت بمرض في عينيك فاحمد الله أنك لم تصاب بالعمى
حنا في نعمه
ليه نجحدها؟
ليه ننكرها؟

ونخلي ربنا يسخط علينا
ربي رحيم
كريم
يعطي ويداه مبسوطتان
وحنا
نشكي لفلان وعلان
محد بينفعك
وإن نفعوك فإن ربي هو اللي يسّر لهم !

في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم ياجماعه
كل يوم
وحنا كل يوم
وش نسوي !
فكر بجد
قاعد على النت
ولا تسولف مع اصاحبك عالمسن !
ولا تلفزيون ولا فيلم ..
ولا نااااايم
وربك العظيم جل جلاله نازل يسمع مطالب عبده
ربي مايرد إيدينك إن رفعتيها
ربك كريم
عندك مشكله
هو ملاذك
اشكي لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل !!

وربي إن ما أجاب دعوتك ألحين
بيثيبك على دعاؤك
وبتاخذ أجر من إيش؟ مجرد سؤال
وبيبرد على قلبك

ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن اختارك انت

ليه؟
يبي ينكد حياتك؟
لاوالله لأنه يحبك
ربك يحبك

في أحلى شعور من هذا =') !!
بلاءك مايزيد من ملكه شي سبحانه
ولا ينفعه بشئ
ينفعك انت

ربك يحبك
يبي يجمع لك رصيد
تلقاه بعدين

البلاء مو شرط يكون مصيبة كبيرة أحيانا يكون مشكلة صغيرة
يعني حتى الشوكة تدخل في يدك تعتبر بلاء فاصبر واحتسب واشكر ربك .


عذرا على الأطاله




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aburawabi.ahlamuntada.com
بوعبدالعزيز



المساهمات : 4
تاريخ التسجيل : 22/02/2010

مُساهمةموضوع: رد: صحيح الدنيا ماتستاهل   الأربعاء مارس 03, 2010 4:36 am

(( النفسُ تبكي على الدنيا وقد علمت * أن السعادة فيها ترك ما فيها
لا دارٌ للمرءِ بعد الموت يسكُنهـا * إلا التي كانَ قبل الموتِ بانيها
فإن بناها بخير طاب مسكنُـه * وإن بناها بشر خاب بانيها))

>>بارك الله فيك أخي أبوروابي موضوع رائع من أجمل ماقرأت واستمتعت بقرائته >>
>>تقبـــــــــــــل مروري >>>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صحيح الدنيا ماتستاهل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالم ابوروابي :: الفئة الأولى :: ركــــــــن المــــواضيــع العــــــــامة والأخبــــار-
انتقل الى: